Igrexa de Santa Mariña do Monte

Mi experiencia fue muy buena con la chica del cementerio es una gran persóna y un trato exquisito. Gracias por todo Alicia eres un sol. Suerte

A igrexa de Santa Mariña do Monte, está situada en Moimentos e presenta varias peculiariedades. A primeira é que ao campanario se accede por unha escaleira exterior -algo que tamén ocorre en Naraío- e a segunda que ten no seu lateral unha cuberta de lousa que puido ter sido empregada como lugar de celebración de culto cando dentro da igrexa houbera un soterramento recente. Cómpre ter en conta que o interior das igrexas se empregou durante séculos como camposanto e de aí que, tal e como defende o expárroco Francisco Javier Martínez, se fixese un alpendre que aliviase as misas de cheiros desagradables. Este estudoso da historia eclesiástica sinala que a actual igrexa se reformou no século XVIII partindo dun templo primitivo que podería estar datado entre os séculos IX e XIII, habida conta de que hai constancia escrita da existencia da parroquia vencellada nesa época á desaparecida diocese de Iria Flavia. Outra particulariedade da igrexa é que conta cunha capela gótica do século XVI dedicada á Inmaculada. Asociada á igrexa tamén se encontra unha capela no lugar da Esperanza.